Opplevingar - the time of my life

Nabolaget

Dette er det vetle nabolaget til Sunniva. Dei har basseng, dei har utsikt, dei har innsjø og dei har fine blomar.

Sjølvutløysarbilete - dag for dag

Søndag 5. desember: Togstasjonen i Brisbane

Måndag 6. desember: Tacofrukost og filmsjåing i stova

Tysdag 7. desember: Matavdelingen på Robinasenteret

Onsdag 8. desember: Gåtur rundt Lake Orr

Torsdag 9. desember: pepperkakebaking og dekorering

Landskap

Landskapsbileta til fotooppgåva. Teke i frå flyet mellom Sydney og Brisbane, Australia, 5. desember.

Budleregn

Vêret hittil har ikkje vore stort å skryta over. Det har tydlegvis vore regnrekord i desember allereie, og me er kun på dag 8. Me såg solgløtt i går då me var på kjøpesenteret i Robina (10 min. busstur her i frå Varsity Lakes), men fekk ikkje nyta det maksimalt innandørs. Heldigvis har det vore varmt og klamt, so sjølv om regnet dalar frys me ikkje slik som heime i Noreg. Einaste eg merkar er at eg kan framleis sove når som helst, kvar som helst. Døgnvill, ja! Slit med å halde meg vaken under samtalar, sovna fleire gonger dei fyrste dagane, men det kjem seg no.

På måndag, 6. desember (Finland sin nasjonaldag vel og merke) gjorde me ikkje noko stort igrunn, og er nok den einaste dagen under heile opphaldet som har vert, og vil bli den mest avslappande dagen, for me har lagt planar! Måndagen gjekk til tacolaging og filmsjåing. Filmen var "Giallo" frå 2009, ein blodig film som var av ymse kvalitet, klarar ikkje heilt å plassere den og finne ut om den var bra eller berre skremmande. Det var måndagen...

Tysdagen der i mot, den var full av gjeremål. Dagen starta kl. 07.30 og kom oss på treningssenteret til kl. 08.15 der Zumba stod på timeplanen. God start på dagen, og instruktøren, ein japansk skaphomofil på 1,50 meter, var so energisk at det heile blei til den beste gruppetimen eg har vore i nokon sinne. Heilt fantastisk og for nokre hofterørsler! Det var ein time med underhalding og treningsleir. Me kom oss attende til leilegheita, dusja og kom oss på dei store kjøpesenteret Robina. Me starta i matavdelinga/food atrium og jobba oss igjennom heile senteret. Fyrste og ikkje siste gong eg et spinatwraplefse-greie med kylling, oh, verdt kvar cent. Senteret har alt på ein plass, greitt slik sett. Fekk kjøpt postkort og frimerker, so i kveld har eg eit stevnemøte med blekkpennen min. Dei hadde faktisk eigen dounutsjappe der dei solgte juledounut, og i det augenblink skjønte eg verkeleg kor mykje eg sakna norsk julebakst (igjen mamma, håpar du lagar skorne pepperkaker i år og). Midt i den klamme sommarvarmen sat det ein julenisse midt i ein tillaga skog med julelys der ungane kunne sitje på fanget. Sære greier å sjå juledekorasjon i heten. Før me avslutta handleturen stakk me innom Beauty Nails and ett-eller-anna-eg-ikkje-hugsar-salon etter anbefalingar frå romkameraten til Sunni. Der fekk me manikyr og pedikyr og møtte nokre utruleg koselege jenter frå Kina og Vietnam. Neglene mine blei svarte, og ho eldste (og litt overlegne) i salongen kom med eit fint og sarkastisk utsagn: "Uuh, sexy, and the colour matches your skin perfectly". Vel, kvit hud, svart neglelakk, største kontrasten ein kan finne, så ja, matchande det.

Det må nemnast, og trur det forsovidt er vanleg i mange andre land òg, t.d. rett over svenskegrensa, men her har dei Colaflasker på 2 liter, praktisk, men dei ser ikkje ut. Ser ut som eit billigprodukt som t.d. Pepsi. Og dei har colaboksar på 0,375 liter istadenfor 0,33 som er heime. På flyet der i mot, der hadde dei colaboksar på 0,25 liter. Me hadde store planar om å sjå Home & Away i går, men dei har visst sumar-/juleferie. Avslutting av kvelden: reiste mot Surfers Paradise til ein stad som heiter Jupiter, og der stakk me rett og slett på Casino. Det er definitivt det største casinoet eg har sett, ikkje at eg har sett mange, men der må det ha vore langt over 1000 speleautomatar, kanskje 5000, og der er ikkje overdriving eingong. Me brukte ikkje mykje, men tapte alt. Blei nokre få dollar, max 30 norske kroner, og det er ikkje gale på ein gamblekveld på storhotellet.

I dag, onsdag 8.desember, har me lagt store planar. No har Sunni time, så eg slappar av i ein diger sofa i ein av bygningane på Bond University, eller Bond Uni. Etter timen hennar skal me gå rundt Lake Orr, innsjøen som me ser rett i frå verandaen til Sunni (ja, dei har luksusleilegheit med ein utsikft over ein innsjø!). Der er det forresten småhai og krokodillar, og for nokre veker sidan blei ein liten gutt drept av ein krokodille der. Naboen blei sikta for forsvinninga, men dei fann årsaka til slutt. Fin innsjø i alle fall. Må jo ha med kameraet og knipse litt, berre det sluttar å regne... Etter gåturen skal me baka pepperkake og mogleg for at det blir ein kinotur i kveld. Utover veka skal me på smågreier i nærleiken, eit anna kjøpesenter, handle julegaver osb.

I morgon skal Sunni og Basha hoppe i fallskjerm på Byron Bay. Det er meldt fint vêr i morgon, so det går nok bra. Eg har fått julegåve frå Sunni allereie; tur til SYDNEY! På sundag reiser me med fly dit, den billigaste måten å komme seg dit på, tru det eller ei. Flyturen tek vel rundt 1,5 timar, og skulle me teke tog hadde det teke 14 timar. Tid er peng! Me skal vere der til onsdags morgon. Vêrmeldinga ser bra ut for dei dagane me er der, og blir temmeleg varmt. I tillegg skal me soklart komme oss til Operahuset og dei har gratis omvisningar der som me heng oss på. Ein av dagane reiser me til Palm Beach der Home & Away blir spelt inn. Det er 1,5-2 timar frå sentrum i Sydney. Me tek nok òg turen til Bondi Beach vil eg tru. Kan ikkje handle noko særleg i Sydney ettersom me kun kan ha handbagasje på flyet, 7 kg.

Det var det, er ikkje meir å informere om no trur eg. Har overført bilete til dataen no, so dei er på veg. Håpar alle de i Noreg har det godt og at det snør og er ekte vinter! Her får eg ikkje julestemning, men kan hende det hjelp på å bake pepperkaker. Hej

Ævvs/Australia

Dette vert, faktisk, ein fungerande blogg i dei neste to vekene under opphaldet her i Australia. Stort sett for å oppdatere deg, mamma. Bilete kjem etter kvart som eg gidd å legge dei inn.

Byrjar frå byrjinga. Fredag 3. desember stakk eg frå leilegheita i Oslo i 13-tida, kom på Gardemoen kl 14. og like etterpå sat eg meg på ein restaurant. Kvifor spare peng når ein kan bruka dei på restaurantar med ein gong? Kon-Tiki var restauranten og skypa med Sunni før eg gjekk til gate og inn på flyet. Der starta den laaange reisa til andre sida av jordkloden + litt lenger. PS: dette er den detaljerte og lange versjonen, og treng du kortversjonen les du berre overskriftene.

DEN DETALJERTE REISEPLANEN

Avreise fredag 3. desember 2010.

Telavåggata - Jernbanetorget, trikk 17: 8 minutt

Jernbanetorget - Oslo S/Flytoget, normal gange, 3 minutt

Oslo S - Oslo Lufthavn Gardemoen, tog, 20 minutt

(igjen, mamma, dette er nok kun for di interesse...)

Flygning nummer 1, 3. desember, SAS: Oslo Lufthavn 16.40 - Frankfurt 18.30 (lokal tid).. Fyrste fly tok 1 time og 50 minutt, og sov like lenge. Kom til Frankfurt 18.30 og du og du for ein stor flyplass. Ein liten togtur unda låg terminalen eg skulle på, og med snille tyskarar kom eg meg dit etter ei stund. Livredd var eg og stressa med å rekke alt, for virka på det tidspunktet at det var store avstandar og ting tok tid. Brått var eg kommen i gjennom innsjekking og kontroll, og hadde 2 timar rådigheit til å gjere ingenting. Burger King blei stoppestaden min, tross store kommunikasjonsproblem med personalet som ikkje forstod når eg bestilte på engelsk. Burde nok ha teke i bruk tysken eg lærde på ungdomsskulen, men det er jo år og dag sidan. "Große Pommes, big nuggets and majonese dip..."

Flygning nummer 2, 3-4 desember, Qantas Airlines: Frankfurt 23.20 - Singapore 18.40 (lokal tid)...

Ein forferdeleg lang tur. 11 timar og 20 minutt på eit fly er reine torturen, og i alle fall med turbulens og ein ikkje så god mage etter opphaldet på Burger King. Eg fraus, eg var glovarm, men Mariusgensaren og ullsokkane gjorde susen. Simpsons og dokumentarar om kjendisverden haldt meg vaken i periodar. Sidan det er eit lite stykke frå Frankfurt til Sydney var det logisk med ein liten pause i form for fylling av drivstoff og ymse, og denne tekniske mellomlandinga var altså i Singapore, ein stad eg lenge har hatt store draumar om å reise. No fekk eg jo vere der i heile 55 minutt, og det var stas! Drepande varme og ullsokkane og gensaren min var i det tjukkaste laget, men hadde ikkje plass i handbagasjen, så dei måtte bli verande på.

Flygning nummer 3, 4-5 desember, Qantas Airlines: Singapore 19.35 - Sydney 06.20 (lokal tid)...

Tidene her stemme ikkje heilt, for hugsar verkeleg lite av turen og fulgte ikkje mykje med på klokka. Gjekk stort sett i svime. Tilbake på samme fly, nye seter, og blei plassert saman med eit hyggeleg ektepar frå New Zealand (eller NZ som dei fleste seier her nede, dei forkortar ALT). Denne flygninga var berre på 7 timar og ett-eller-anna minutt. Det eg har funne ut er at flyselskapa proppar i oss med så mykje mat at ein blir dårleg. Rett etter eit måltid med anten kylling, biff eller fisk får ein dessert, og rett etter noko snacks oppfulgt av "duty free"-snacks, kanskje ein is og på igjen med nytt måltid. Ein sit ikkje svolten! Utan om det var det god service og hyggelege flyvertar- og vertinner.

Flygning nummer 4, 5. desember, Qantas Airlines: Sydney 08.00 - Brisbane 08.45 (lokal tid)...

Eg slapp å springe, men var jaggu avstandar og tull i Sydney òg. Gjennom passkontroll, sjekke inn bagasjen og meg sjølv på nytt, gjennom kontrollen og til rett gate som låg på ein annan flyplass. Dermed, ein busstur unda var flyet vårt saman med ein haug andre Qantasfly, inkl. mange Airbus`ar og sjølvaste Airbus A380, verdas største fly (som er nede for telling nett no). Ein kjenner seg temmeleg liten når ein står attmed det, ja. 2 etasjar med rein luksus. Kom meg på flyet, nok eit måltid servert (2. frukosten for dagen) og fekk plass ved vindauget. Då blei det knipsa i hytt og pine! OK frukost, men mjelka er ikkje som heime, og det er forsovidt ikkje smøret eller appelsinjusen heller. Og frå flyet ser verda lik ut, skyene er like, men ikkje språket. Eg vart så vand med den tyske aksenten i engelsken og når eg kom til Australia glømde eg til tider at me faktisk befann oss i eit engelsktalande land. "Oi, jøss, dei snakkar jo verkeleg bra her"... Og ja, denne flyturen var ikkje lang. Oversikta over tidene er ikkje der, men vil tru det tok mellom halvannan time og to.

Brisbane: ein utruleg fuktig plass og kun etter nokre få skritt på flyplassen der la eg merke til ein ting, håret fekk brått volum, og ikkje i positiv form. Ukontrollert. Eg henta bagasjen og venta på Sunni som skulle komme med tog. Etter nokre telefonsamtalar og vandring rundt på flyplassen fekk me store problem med å finne kvarandre. "Eg står på bakkenivå, rett attmed Avis, Budjet og Hertz.." -"Ja, jeg står i 3. etasje rett framfor Avis osv.." -"Det fins jo ikkje 3 etasjar her, det fins berre 2, eg spurde ein fyr". Til slutt skjønte me at me var på to forskjellige flyplassar og Sunni hadde gått tom for peng på kontantkortet og mobilen min var nesten utlada. Null stress. Ho var på internasjonale medan eg var på nasjonale, men etter kvart fann me kvarandre, sånn etter 2 timar. Me åt litt og tok deretter flytoget (frytoget til Gardemoen er ein rakett i forhold) til Gold Coast, eller nærare bestemt Robina. Der såg me på matvarer, eg lo av varene og me kjøpte. Colaflaskene ser ikkje ut her og får dei norske flaskene til å sjå eksklusive ut (noko dei er). Tungt blei det, men kom oss til bussen og til slutt heim til leilegheita hennar. Og ja, eg overdriv ikkje, det er faktisk ein luksusleilegheit, og eg har krav når det gjeld interiør og eksteriør og skal mangt til får eg kallar det luksus. Ein slik leilegheit med to bad, fliser, alt av kvitevarer og to walk-in-closetar, og ikkje minst den utsikta ville kosta opp i mot 7-8 millionar i Oslo. Eg kom dit i 5-tida sundag ettermiddag, ergo, i går. Eg føreslo ein glup ting, power nap i ein halvtime, så eg og S la oss i halv 7-tida, men vakna rundt halv 10. Trøtt man, døgnvill. Møtte Basha som er romvenninna til Sunni (polsk). Sovna under samtalane med Basha og Sunni.

Alt dette, dette detaljerte greiene, var kun for å halde meg vaken medan Sunni sat i gruppetime med nokre andre studentar. Uvesentleg informasjon, men det som er postkortvesentleg: Gold Coast, ligge mellom Brisbane og Sydney på austkysten, men nærmare Brisbane (1 time-ish). Her er det varmt året rundt, tilsynelatande. I følge Wikipedia blir det minimum 14 grader i snitt og maksimalt 26, sjølv om det blir varmare. No er det vel 24-25 grader her vil eg tru, men stor fuktigheit og kjennes varmare ut. Regnar no i desse dagar, men blir forhåpentleg finare vêr neste veke. Me har store planar om å gjere mykje. T.d. skal Sunni og Basha hoppe i fallskjerm på torsdag, noko som kosta 3500 kr (billigare enn heime), samt at dei får videoklipp og foto frå hoppet etterpå. Dei har invitert meg med (mamma, dette er igjen til deg)... Kun 3500 kr.

Eg oppdaterar meir seinare, men på langt nær så detaljert. Dette var kun fordi eg hadde to timar til å gjere ingenting, så no blei det til noko.

Portrett

Copyright © Brit Kristin Heltne

Gatefoto

Me på KD2-kunst er no inne i ein fotoperiode. Kvar måndag fram til jul får me nye tema og denne gongen var det gatefoto, eller street photo, som stod for tur. Eg stasjonærte meg på trikk 11 mot Disen og på Oslo Bussterminal.
Kjærleiken i gatene og relasjon mellom menneska. Her er litt av kvart.